TL participa iha evento FOCUS GROUP DISCUSSION TA 9361-INO

Delegasaun Timor-Leste halo viajen ba Kupang, Indonesia hodi partisipa eventu ” FOCUS GROUP DISCUSSION TA 9361-INO: Facilitating Regional Cooperation and Integration between Indonesia and Timor-Leste Through Enhanced Cross Border Cooperation” nebe organiza husi ADB – Asia development Bank.
Delegasaun Timor-Leste nian kompostu husi:
Ministeriu Transporte no Komunikasaun Reprezenta husi SE Eng. Inacio Moreira, Vice Ministru Transporte no Komunikasaun,hautuk ho  Sr. Joanico Goncalves Diretur Geral Transporte no Komunikasaun
SERVE, IP reprezenta hui Florencio Sanches
Ministeriu Negosiu Estranjeiru no Kooperasaun, reprezenta husi Ambassador Jorge Camoes
Ministeriu Finansa reprezenta husi Diretur Nasional Alfandega
Policia Imigrasaun Reprezenta husi Sr. Boavida Ribeiro Diretur Geral Imigrasaun
Entidades sira seluk nebe reprezenta husi Sr. Joao Goncalves Ex Ministru Dezenvolvimentu Ekonomia no Sr. Jose Maria Guterres
Objetivu principal husi diskusaun ne’e maka atu hato’o relatoiu final nian ba Governu Timor-Leste no Governu Indonezia nian husi parte ADB kona ba rekomendaun sira hodi bele fasilita parte husi nasaun rua ne’e hodi kria konetividades  ba komersiu rai rua nian liu husi hakat fronteira. Tuir planu katak ADB sei hato’o relatoiu ne’e ba governu rua ne’e iha fulan maiu 2018.