SERVE,I.P. hasoru Ministra Justisa

SERVE, I.P. ne’ebé reprezenta husi Florêncio Sanches no Ana Jeánnie de Côrte-Real hasoru malu ho Exsia. Ministra ba Justisa Dra. Maria  Ângela Guterres Viegas Carrascalão no Diretór Nasionál ba Asesória Jurídika no Lejislasaun (DNAJL), Dr. Nelinho Vital iha Gabinete Ministra nian iha loron 5 Janeiru 2018. Asuntu ne’ebé koalia iha sorumutu ne’e mak inklui: Preparasaun loke ramu/sukursál sira SERVE, I.P. nian iha RAEOA Oecusse/Ambeno, Munisípiu Bobonaro & Baucau, no nesesidade kolokasaun Konservadór & Notáriu Públiku sira ne’ebé sei presta serbisu sira hodi rejista negósiu no kompañia sira liu husi prosesu verifikasaun, no sertifikasaun ba estatutu no dokumentu komprovativu sira seluk iha seiu rejistu komersiál nian. No, koalia mós kona-bá papél no apoiu Ministériu ba Justisa nian ba SERVE, I.P. hanesan airin/pilár ida iha kriasaun no dezenvolvimentu institusionál ba SERVE, I.P.