SERVE,IP halo abertura Sucursal Baucau

Iha loron 30 Abril 2018 SERVE, IP halo lansamentu ba establesimentu sukursal SERVE, IP iha Munisipiu Baucau. Establesimentu sukursal SERVE, IP ne’e hodi kumpri Artigu 4, Dekretu-Lei 7/2017.  Lansamentu ba establesimentu ne’e hetan partisipasun maximu husi Autoridade Munisipiu Baucau mak hanesan Presidente Autoridade Munispiu Baucau, Adjunta Presidente Autoridade Munisipiu Baucau, Komandante PNTL Munisipaiu Baucau, F-FDTL Munisipiu Baucau, Komandante BOP Munisipiu Baucau, inmstituisaun sira seluk, CCI- Baucau no Amo Paroku Baucau no emprezariu sira.
Iha biban ida ne’e Presidente Munuisipiu Baucau Dr. Antonio Auguto Guterres hateten katak haksolok ho establesimentu sukursal SERVE, IP iha Munisipiu Baucau atu bele regularize negosiu no atividades ekonomiku inklui lisensiamentu  komersial nian hodi bele tuir lei sira komersial nian.