SERVE,IP atende reuniaun koordenasaun Inter-Ministerial

Iha loron 3 Maiu 2018 SERVE, IP reprezenta husi Florencio Sanches atende reuniaun koordenasaun Inter-Ministerial nebe lidera husi Ministru Turismu iha Sala enkontru Gabinete Ministru Turismu nian. Enkontru ne’e lidera husi Ministru Turismu, Sr. Manuel Vong, PhD hamutuk ho Vise Ministru Turismu Dr. Rui Menezes no hetan partisipasaun husi SERVE IP, CAC , PCIC,  Tradeinvest IP, BNCTL, PNTL Munisipiu Dili, Inspetur Jogu, Defensor Publiku, DG Turismu.
Reuniaun koordenasaun ne’e koalia kona ba regras foun nebe sei implementa no aplika husi Ministeriu Turismu liu husi Inspetur Jogu nian kona ba jogu sira Lotaria Pupular no Slot Machine nian, katak kompania sira nebe assina ona kontratu husi Ministeriu Turismu no hetan ona rekomendasaun husi Inspetur Jogu nian  hodi hetan emisaun lisensa husi SERVE, IP tenke muda sira nia konta bankaria no osan investimentu husi Banku Mandiri ba iha BNCTL. Regras foun ne’e sei aplika iha loron 8 maiu 2018.