SERVE lansa “Prosesu Rejistu iha Loron-Ida (1) deit nia laran” ba ENIN no UNIPESSOAL, LDA.

Díli, iha loron 24 Abril 2014 – SERVE lansa serbisu foun ida ne’ebé sei halo rejistu ba ENIN (Empresário Em Nome Individual ka Emprezáriu Ho Nia Naran Rasik) no Sosiedade Komersiál UNIPESSOAL, LDA. (Sosiedade ho Sósiu ka Nain ba Osan Ema Ida Mesak) iha Loron-Ida (1) deit nia laran. Prosesu ida ne’e nu’udár esforsu ida atu bele fasilita prosesu rejistu ba negósiu foun sira.
Guvernu Timor-Leste, ne’ebé lidera husi ka abranje Ministériu Justisa (MJ), Ministériu Finansas (MF) no Ministériu ba Komérsiu, Indústria no Ambiente (MCIA), ho/iha parseria ho International Finance Corporation (IFC-WBG), nune’e dezenvolve no implementa SERVE iha fulan Juñu 2013, SERVE mak: Serbisu ba Rejistu no Verifikasaun Emprezariál. SERVE ne’e hanesan mós “Loja ka Balkaun ho Parajen Dalaida”, SERVE fasilita ona rejistu ba negósiu foun sira, simplifika prosesu rejistu nian no lisensa komersiál.
Iha eventu ida ne’e iha mós membru sira Guvernu nian ne’ebé hola parte ofisiál, mak hanesan Vise-Ministru Justisa, Dr. Ivo Valente; Sekretária Estadu ba Apoiu no Promosaun ba Setór Privadu (SEAPRI), Sra. Veneranda Lemos; no Diretora ba Diresaun Nasionál ba Rejistu sira no Notariadu (DNRN), Dra. Maria do Rosário Fátima C. de Araújo, Xefe Departamentu Diresaun Komérsiu (MCIA), Sra. Natalina M. A. da Costa.
No, iha mós parseiru sira no interesadu sira ne’ebé importante husi serbisu sira ne’ebé fornese husi SERVE, inklui reprezentante sira husi Firma ka Ajénsia Advokasia sira, Kámara ba Komérsiu no Indústria (CCI-TL), Instituisaun Finanseira sira no Asosiasaun Emprezariál no Profisionál sira seluk.
Agora daudauk, SERVE mós hetan apoiu husi SEAPRI (Sekretaria Estadu ba Apoiu no Promosaun ba Setór Privadu) ba ninia operasaun no serbisu sira.