Re-anúnsiu prosesu selesaun no anúnsiu ba vaga servisu foun

Nu. Ofísiu: 995 / SERVE, I.P. / MCAE / X / 2018, 29 Outubru 2018
SERVE, I.P. ohin loron hakarak re-anunsia ba públiku kona-bá aplikasaun sira ne’ebé mak hatama tiha ona iha tinan kotuk 2017 ho Ofísiu Nu.: 724/SERVE, I.P./MECAE/XII/2017, Díli, 05 Dezembru, 2017 katak iha tempu badak nia laran sei halo selesaun ba dokumentu referente sira no tuir mai sei kontinua to’o faze rekrutamentu kompletu nian ne’ebé mak sei koloka iha Munisípiu Baucau, Bobonaro no Oé-Cusse. 
No, ho oportunidade hanesan, ohin loron SERVE, I.P. hakarak anunsia mós VAGA BA SERBISU FOUN SIRA ho estasaun/lokál serbisu nian iha Munisípiu Aileu, Ainaro, Covalima, Laútem, Manufahi & Viqueque, no, ho pozisaun mak hanesan tuir mai ne’e:
I. POSTU KA POZISAUN SERBISU / TRABALLU:
1. ASESÓR / OFISIÁL JURÍDIKU
2. ASISTENTE BA ADMINISTRASAUN NO FINANSAS & APROVIZIONAMENTU
3. OFISIÁL BA ATENDIMENTU BA PÚBLIKU NO REJISTU KOMERISÁL
4. MOTORISTA NO MENSAJEIRU NO APOIU ADMINISTRATIVU
5. EMPREGADU BA LIMPEZA NO APOIU ADMINISTRATIVU
II. TERMU SIRA BA REFERÉNSIA NIAN (ToR) & KRITÉRIU SELESAUN SIRA – Bele mai foti ToR sira hahu’u husi loron 13 to’o 27 Novembru, 2018 iha serbisu fatin SERVE, I.P. & bele mós hetan iha Website SERVE, I.P. nian. Nota:Resposta ba kritériu selesaun sira ten de halo objetivamente (bazeia ba pergunta sira ne’ebé mak husu husi SERVE, I.P.) no la hakarak katak ita bo’ot sira atu kópia no hasara tuir informasaun sira husi ita bo’ot sira nia CV maibé, ten de explika ho badak no, loós, lójiku no refletivu ne’ebé hatudu oinsá ita bo’ot sira kompreende duni ho kompeténsia sira, no bele providénsia / fornese ezemplu badak sira, no seluk-seluk tan.
III. PROSEDIMENTU APLIKASAUN NIAN – Aplikante sira ten de hatama Dokumentu komprovativu sira inklui (1) Karta Aprezentasaun/Aplikasaun (Covering Letter nian); (2) Detalle Rezumu Pesoál ka Kurríkulu Vitae (CV) ne’ebé, la bele liu tahan hitu (7); (3) Resposta ba Kritériu Selesaun nian; (4) Dokumentu Identifikasaun: Kartaun Eleitór, Billete Identidade. Karta Aplikasaun & Dokumentu suporte sira seluk hanesan temi daudauk iha leten bele mai hatama fizikamente iha Unidade Administrasaun nian iha serbisu fatin SERVE, I.P. nian (ref. enderesu temi iha roda-pé iha okos). Loron ikus ba hatama dokumentu komprovativu sira mak: 29 Novembru 2018  & to’o oras tuku 17:30 lorokraik.Bele mós hatama liu husi Sítiu Eletróniku/E-mail: ajamdecortereal@mof.gov.tl, smscunha@mof.gov.tl. Karik iha dúvida ruma, bele kontaktu ba numeru telefone 77253508, 77505344.
IV. KONSIDERASAUN BA APLIKASAUN SIRA –Aplikasaun sira ne’ebé mak la kompletu sei la konsidera. SERVE, I.P. sei kontakta deit kandidatu/a sira ne’ebé mak liu iha faze selesaun dokumentu nian. Ita bo’ot sira nia aplikasaun sira hotu sujeitu mós ba Verifikasaun ba Rejistu Kriminál.
 
Sinseramente,
Sandra Maria dos Santos da Cunha Soko Deluma
Supervizora ba Administrasaun & Finansas ba SERVE, I.P.