Informasaun konaba suspensaun rekrutamentu

INFORMASAUN OFISIU 757/SERVE,IP/MDRI/I/2018
Ida ne’e atu informa ba públiku katak Prosesu Rekrutamentu ne’ebé organiza husi SERVE, I.P. iha tinan 2017 liu ba “SEI SUSPENDE LAI” ba tempu balu tambá efeitu husi Rejime Duodesimál ka Aplikasaun Ezekusaun Orsamentu DOT (Dotasaun Orsamentu sira Temporáriu) iha tinan 2018 bazeia ba karta husi KFP – Komissaun Funsaun Publika, Reff: 23/2018 iha loron 15 Janeiru 2018 no mos refere ba Circular 01/VII/GM-MPF/2018-01, do Ministério do Plano e Finanças (MPF)”, 8 Janeiru 2018.
Nune’e, ami hakarak informa ba ita bo’ot sira hotu ne’ebé mak hatama tiha ona dokumentu aplikasaun korresponde ho vaga sira ne’ebé mak SERVE, I.P. anunsia ba públiku (ref. Ofísiu Nu.: 724/SERVE, I.P./MECAE/XII/2017, 05 Dezembru 2017) ATU HEIN LAI BA TEMPU BALU no wainhira iha ona desizaun ruma relasiona ho SUSPENSAUN ne’e, tuir mai mak ami sei informa ka atualiza fali informasaun foun ba ita bo’ot sira.
Mak ne’e deit informasaun husi SERVE, I.P. no ami agradese wain ba nafatin ba ita bo’ot sira hotu nia atensaun.
Díli, 18 Janeiru 2018
Husi: Administrasaun SERVE, I.P.