Anúncio ao público da implementação da nova legislação

Versão Tétum do anúncio.
ANÚNSIU BA PÚBLIKU:  Nu. Ofísiu: 994 / SERVE, I.P. / MCAE / X / 2018
Ho implementasaun Lejislasaun foun sira inklui:
a) Lei n.º 10/2017, 17 de Maio – Nova Lei das Sociedades Comerciais.
b) Decreto-Lei n.º 16/2017, 17 de Maio – Registo Comercial.
c) Decreto-Lei n.º 34/2017, 27 de Setembro – Licenciamento de Atividades Económicas.
Rezulta ka kauza ALTERASAUN MENÓR ne’ebé mak nesesáriu ba Dokumentu Komersiál sira (CRC’s), nune’e, SERVE, I.P. hakarak fó hatene ba Emprezáriu/a & Negosiante sira hotu iha Timor laran tomak & interesadu sira seluk husi Setór Públiku & Setór Privadu kona-bá alterasaun sira ne’e, ne’ebé transkreve iha:
-  CERTIDÃO & CERTIFICADO DO REGISTO COMERCIAL (CRC) ba ENIN & Kompañia sira. Bele hare’e iha figura iha kraik ne’e iha diferensa entre Versaun Antigu (ref. La iha Logotipu RDTL & SERVE, I.P.; La iha validade, La iha Reprezentante Legál, Bazeia ba Lejislasaun Tuan sira) no Versaun Foun (ref. Iha Logotipu RDTL & SERVE, I.P.; Iha validade, Iha Reprezentante Legál, Bazeia ba Lejislasaun Foun sira).
- Lejislasaun foun Decreto-Lei n.º 34/2017, 27 de Setembro implika mós alterasaun iha klasifikasaun ketak-ketak ba Kódigu ba Atividade Ekonómika (CAE) ho Kategoria Risku Kiik (RISCO BAIXO); Risku Natón (RISCO MÉDIO) & Risku A’as (RISCO ALTO).
CRC’s sira ho versaun foun ne’e ohin loron iha VALÓR LEGÁL atu troka ka substitui dokumentu sira ne’ebé mak SERVE, I.P. emiti tiha ona ba ita bo’ot sira hotu iha pasadu. Mak ne’e deit anúnsiu no informasaun ba ita bo’ot sira hotu nia koñesimentu ofisiál no SERVE, I.P. agradese wain nafatin ba ita bo’ot sira hotu nia atensaun.
 
Díli, 29 Outubru 2018
Unidade Administrasaun
Sandra Maria dos Santos da Cunha Soko Deluma
Supervizora ba Administrasaun no Finansas